Çfarë i tha Monika Kryemadhi për kthesën e madhe që bëri me Ramën? Ja çfarë zbulon Ilir Meta

Presidenti Ilir Meta foli për jetën e tij familjare gjatë kësaj periudhe të vështirë, nga ku zbuloi detaje rreth marrëdhënies me bashkëshorten e tij Monika Kryemadhi.

Lidhur me bashkimin me kryeministrin Rama për ndryshimet e Kodit Penal, Meta tha se Kryemadhi ka një natyrë kritike.

“Ajo si natyrë është gjithnjë kritike në tërësi por ka qenë më shumë e përqendruar në çështje të tjera e s’kemi hyrë shumë në debate të tilla, në përmbushjen e detyrimeve të mia unë smund të ndikohem nga kritikat që bëhen, jam i detyruar të përmbush detyrat e mia si president pa pasur frikë nga kritikat kur mendoj që ato nuk i shërbejnë atyre vendimeve që duhen marrë në interes të gjithë popullit shqiptar,. e kuptoj pakënaqësinë e mosbesimin por për mua është interesi i shqiptarëve prioritet, mbrojtja e tyre nga çdo lloj abuzivizmi e smund ti lejoj vetes asnjë sjellje të karakterit populist e spekulant”, tha Meta për News24.