Pas 8 vitesh, hapet njëri krah i autostradës Tiranë-Elbasan

Është hapur sot krahu i majtë i segmentit të rrugës Tiranë-Elbasan. Mësohet se është hapur loti i parë nga kryqëzimi i Ibës deri në hyrjen e tunelit të Krrabës.

Makinat do të kalojnë në karrexhatën e majtë të këtij segmenti me 3 korsi duke përfshirë edhe korsinë e emergjencës.

Pavarësisht hapjes së njërit segment të këtij aksi rrugor, punimet vazhdojnë ende.

Kujtojmë se punimet kanë  filluar 8 vite më parë dhe pikërisht sot në ditën e verës është hapur një nga krahët e autostradës.