U konfliktua me drejtorin e policisë, flet mjeku në Berat: Na tërhoqen zëvarrë për në komisariat

Mjeku Edison Skëndo që u konfliktua dje me drejtorin e policisë në Berat, Hasan Ahmeti ka folur për mediet.

Pasi mori masën e sigurisë detyrim paraqitje, Skëndo ka treguar versionin e tij të ngjarjes.

Ai ka treguar se mbi të dhe të vëllain është përdorur dhunë nga uniformat blu.

“Një ditë të vetme që erdha në shtëpinë time në Berat më ndodhi kjo. Unë jam mjek dhe po bëj specializimin në QSUT. Dikush civil më kapi në mënyrë të dhunshme që të më shtynte drejt komisariatit. Vëllai im tërhiqet zvarrë nga drejtori i policisë”, u shpreh mjeku.