Një tjetër ngjarje e tmerrshme ajrore është shenuar ditën e sotme. Një avion është përballur me turbulence të forta teksa udhëtonte nga Stambolli në New York. Si pasojë kanë mbetur 30 persona kanë mbetur të lënduar. Një stjuardesë, gjithashtu ka marrë fraktura në një këmbë.
Turbulencat u krijuan 45 minuta para mbërritjes në aeroportin “John F. Kennedy”. Mes pasagjerëve ishte edhe shqiptari Sead Nikaj. Ai tha se udhëtimi për 9 orë ishte i qetë.
“Por, ndërsa aeroplani po kalonte mbi Maine, nisen turbulencat e forta. Shqiptari tregon se pa një grua të ulur pranë tij të fluturojë nga sedilja e saj. Maskat e oksigjenit ranë nga tavani. Njerëzit nisen të bërtisnin”, raportoi ai për “The New York Times”.
“Për rreth 10-15 minuta, gjendja ishte e tmerrshme dhe menduam vdekjen. Pashë pasagjerë të gjakosur”. “Unë thashë “O Zot me ndihmo”, shtoi ai.
Të lënduarit u dërguan menjëherë në spital dhe gjendja e tyre është jashtë rrezikut për jetën.
Kujtojmë se mëngjesin e sotmë ka ndodhur një tragjedi ajrore, një avion i “Airlines Ethiopian”, është rrëzuar rreth 6 minuta pas nisjes. Në avion gjendeshin 157 persona, 149 prej tyre pasagjerë dhe mendohet se nuk ka asnjë të mbijetuar.
