LIGJET E BIZNESIT
Një tragjedi ajrore ka ndodhur paraditen e sotme, teksa një avion i “Airlines Ethiopian”, është rrëzuar rreth 6 minuta pas nisjes, në një zonë rreth 60 kilometra nga aeroporti.
Bëhet fjalë për Boeing 737 i kompanisë Ethiopian Airlines, i nisur nga kryeqyteti etiopian Adis Abeba për në Nairobi të Kenias, i cili është rrëzuar sot rreth orës 08.44.
Në avion gjendeshin 157 persona, 149 prej tyre pasagjerë. Nuk janë të konfirmuara shkaqet e tragjedisë.
“Në këtë kohë operacionet e kërkim-shpëtimit janë në zhvillim e sipër dhe ne nuk kemi informacion të konfirmuar për të mbijetuarit” tha kompania ajrore.
“Stafi i Airlines Ethiopian do të dërgohet në skenën e aksidentit dhe do të bëjë gjithshka të mundshme për të ndihmuar shërbimet e emergjencës”, shtoi kompania.
