Rama pritet sërish me protestë në Fier, qytetarët përplasje me policinë

Sërish protesta sot në Fier. Disa dhjetëra qytetarë janë mbledhur në qendër të qytetit, para vendit ku kryeministri Edi Rama do të ketë takimin e radhës, në kuadër të fushatës “Bashkia që duam”.

Me pankarta në duar “Rama ik”, “Rama si Chavez”, protestuesit kanë shprehur pakënaqësinë e tyre ndaj Ramës duke thënë se nuk është i dëshiruar në qytet. Ndërsa ka pasur disa përplasje mes policisë dhe protestuesve. Policia nuk ka lejuar protestuesit që të ofrohen pranë vendit ku do të mbahet takimi, duke vendosur kordonë, ndërsa protestuesit kanë tentuar të afrohen.

Ndërkohë, po me mikrofon, policia i ka bërë thirrje protestuesve të shpërndahen, ndërsa protestuesit po përdorin bilbilat dhe vuvuzelat.