Kryetari i Partisë Demokratike, Lulzim Basha ka bërë edhe një herë tjetër apel për të rritur numrin e testimeve për personat e prekur nga koronavirusi.
Përmes një postimi në rrjetet sociale, Basha thotë se numri i ultë i testeve është një tentativë për fshehjen e së vërtetës, që sipas tij i kushton jetën shqiptarëve.
Për kryedemokratin nuk duhet humbur më shumë kohë dhe se qeveria duhet të veprojë tani që të shmangë ndonjë dramë të mundshme në të ardhmen.
Reagimi i plotë i Bashës:
Për të evidentuar të prekurit nga COVID-19, dhe për të shkëputur zinxhirin e transmetimit, qeveria duhet të rrisë numrin e testimeve. Numri i ulët i testimeve fsheh të vërtetën dhe kushton jetë!
Sa më pak testime, aq më pak persona të identifikuar, aq më shumë zgjatet zinxhiri i infeksionit, dhe rritet numri i të infektuarve dhe i viktimave. Sa më pak testime aq më gjatë vazhdon karantina dhe thellohet kriza ekonomike.
Duhet vepruar TANI, çdo ditë e humbur kushton jetë! Për të evidentuar të prekurit nga COVID-19, dhe për të shkëputur zinxhirin e transmetimit, qeveria duhet të rrisë numrin e testimeve.
Numri i ulët i testimeve fsheh të vërtetën dhe kushton jetë! Sa më pak testime, aq më pak persona të identifikuar, aq më shumë zgjatet zinxhiri i infeksionit, dhe rritet numri i të infektuarve dhe i viktimave. Sa më pak testime aq më gjatë vazhdon karantina dhe thellohet kriza ekonomike. Duhet vepruar TANI, çdo ditë e humbur kushton jetë!
