Në kulmin e pandemisë së COVID19, sëmundjes që po rrezikon njerëzimin në mbarë botën, të gjithë studiuesit janë duke hulumtuar një mënyrë apo medikament që e kuron, në pritje të shpikjes së vaksinës.
Me arritjet që po kryhen dita-ditës, së fundmi një zbulim thotë se kura që përdoret kundra HIV AIDS, mund të luftojë dhe koronavirusin e ri.
Këto të dhëna vinë nga studiuesit e ndërmarrjes bio teknike Cyto Don.
Ata theksojnë se medikamenti që quhet Leronlimab është në fazën e dytë të testimit dhe mund të aprovohet për 4 javë.
Ky ilaç po testohet në bashkëpunim me Administratën e Ushqimit dhe Barnave.
Sipas prodhuesit, Leonlimabi është përdorur për të trajtuar disa pacientë në spitalin e New Yorkut, të cilët ishin në gjendje të rëndë shëndetësore.
“Me një studim në Kinë që tregon nivelin e vdekshmërisë në mesin e pacientëve COVID-19 që kërkojnë ventilatorë mekanikë në më shumë se 85 përqind, botës i duhet dëshpërimisht një terapi që mund të ndihmojë këtë popullatë pacientësh,” deklaroi drejtuesi i Cyto Dyn, Nader Pourhassan për NYthepost.
