Paraditen e sotme, kryeministri Edi Rama kishte njoftuar për një vizitë në kishën e Kurjanit që është në administrimin e bashkisë së Roskovecit. Sipas PD, Ramës i është dashur të ndryshojë oraret dhe axhendën e ditës, pasi qytetarët e Roskovecit e pritën sot në protesta, duke bllokuar rrugën dhe djegur goma.
Simpatizantët e opozitës kishin bllokuar hyrjen e qytetit të Roskovecit, duke djegur goma në shenjë protested he me thirrjet: Rama ik! Mësohet se protestuesit kanë pasur një përplasje me forcat e Policisë.
Në mbështetje të tyre janë të pranishëm edhe ish-deputetët, Enkelejd Alibeaj dhe Kejdi Mehmeti.
Sipas Alibeajt, qytetarët i janë përgjigjur në këtë menyrë aksioneve të Qeverisë, duke u ndalur edhe tek prishjet e fundit që kanë ndodhur në Roskovec në kuadër të rikonstruksionit të qendrës së qytetit.
