LIGJET E BIZNESIT
Kriza politike në Shqipëri nuk po gjen zgjidhje brenda vetes. Sot drejtori për Zgjerimin në Komisionin Europian, Christian Danielsson, ka zhvilluar një takim me kreun e PD, Lulzim Basha, menjëherë pas takimit me Ramën.
Pas përfundimit të takimit Basha u shpreh se i ka bërë të ditur zyrtarit europian se opozita kërkon të shembë këtë sistem dhe jo vetëm largimin e Ramës.
“Kemi ndarë dhe shkëmbyer qëndrimet dhe fatet që nuk fshihen më për Shqipërinë. Shprehëm vendosmërinë tonë që të shembet ky sistem dhe jo vetëm të largohet Rama. Kemi folur më shumë për vizionin tonë për të nesërmen, i cili do të jetë pjesë e bashkëbisedimit tonë me qytetarët.
Formula e zgjidhjes është kjo: Regjimi i Edi Ramës ka mbaruar, shqiptarët e kanë përcaktuar rrugën ku do të ecin. Te vullneti politik, hetim i plotë i dosjes 339 dhe 184 dhe çuarja para drejtësisë e politikanëve që kanë vjedhur vota”, tha Basha.
Ndërkohë po pritet reagimi i Danielsson, pas takimit me kryedemokratin.
