Mediat ndërkombëtare pasqyrojnë protestën e opozitës, ja çfarë shkruhet

Mediat e mëdha ndërkombëtare vazhdojnë të raportojnë nga Tirana për situatën e krijuar. Prestigjiozja “Associated Press” shkruan se mijëra persona kanë rrethuar Parlamentin në Shqipëri duke kërkuar zgjedhje të reja.

Gjithashtu media raporton akuzat ndaj kabinetit për korrupsion dhe lidhje me krimin. Duke risjellë në vëmendje dorëzimin e mandateve të deputetit, Associated Press thekson se opozita nuk ka marrë parasysh thirrjet nga BE, Shtetet e Bashkuara dhe organizatat e tjera ndërkombëtare për të hyrë në bisedime me rivalët politikë.

Ndërkohë, shkrimi i Associated Press është shpërndarë dhe nga media të tjera ndërkombëtare si Washington Post, Fox News e të tjera.

Opozita nuk i ka marrë parasysh thirrjet e Bashkimit Europian, SHBA dhe organizatave ndërkombëtare për të hyrë në bisedime me rivalët e saj politikë. Socialistët në pushtet të kryeministrit Edi Rama kanë 74 nga 140 vende në parlament. Shqipëria shpreson të nisë negociatat e anëtarësimit me Bashkimin Europian në qershor” – raporton “Washington Post” duke cituar burime të “Associated Press”.