Italia është kthyer tashmë në shtetin më të goditur të Europës, për shkak të numrit të lartë të viktimave nga koronavirusi.
Një histori e trishtë vjen nga Pavese, ku mësohet se një cift burrë e grua kanë ndërruar jetë brenda katër orësh nga koronavirusi.
Të dy kanë vdekur në spital dhe nuk mundën dot as ti thoshin njëri-tjetrit lamtumirë apo dhe fëmijëve.
Sipas mediave vendase, 64-vjeçarja ishte infermiere dhe punonte në një laborator analizash, ku dyshohet se edhe është infektuar. Ndërsa 66-vjeçari ishte fermer. Ditët e para të sëmundjes, gruaja i kishte kaluar në shtëpi dhe mendonte se vuante nga bronkiti.
Por më pas ajo rezultoi pozitive me koronavirus dhe u shtrua në spital.
Më pas ajo infektoi dhe bashkëshortin dhe vajzën, e cila po ashtu ndodhet në spital.
Ndërsa djali 38-vjeçar punon në një burg në Toscana.
