Këshilli i Shtetit, gjykata administrative supreme në France ka detyruar kryeministrin në Francë që të qartësojë Aktin Normativ që kishte nxjerrë për situatën me koronavirusin dhe të përfshijë në të masa më të ashpra.
Kjo pas kërkesës së paraqitur nga Sindikata e Mjekëve. Kjo e fundit i ishte drejtuar Këshillit të Shtetit pasi i konsideronte të pamjaftueshme dhe të paqarta dispozitat e Aktit Normativ. Sindikata e Mjekëve kërkonte izolim total dhe absolut dhe mosdalje nga shtëpia përveç për motiv shëndetësor dhe për blerjet e konsumit, nën mbikëqyrje.
Këshilli i Shtetit urdhëroi Kryeministrin të qartësojë aktin normativ dhe të marrë çdo masë që siguron në urgjencë, brenda 48 orëve, përforcimin e dispozitivit të konfinimit. Argumenti kryesor është që përpara të drejtës për të jetuar, avancuar nga mjekët, nuk ka asnjë të drejtë themelore tjetër të përligjur.
