Kur do flasim? Kjo ishte thirrja që kryeministri Edi Rama, i ka bërë ditën e djeshme kreut të opozitës, Lulzim Basha, nga Samiti i dytë i Diasporës.
Pas thirrjes për dialog, kreu i opozitës, Lulzim Basha, ka reaguar duke hequr çdo mundësi se kjo mund të ndodhë. Basha tha se takimi i vetëm që ai ka është me qytetarët shqiptarë.
“Parlament që vjedh qytetarët nuk do të ketë. T’i japim fund një qeverie të lidhur me krimin. Takimi i vetëm është ai me qindra, mijëra shqiptarë më 16 mars në protestën e madhe kombëtare dhe natyrisht, edhe takime të tjera para asamblesë së krimit që ka uzurpuar ndërtesën e Kuvendit.
Kështu nuk mund të vazhdohet, me një qeveri të kapur në flagrancë. Nuk mund t’i gënjejmë shqiptarët se mund të hapim derën e Europës me qeverinë e krimit”, tha Lulzim Basha nga selia e PD-së.
