Takimi me delegacionin e PE, Kryemadhi: Opozita nuk bën asnjë hap pas!

Pas takimit me eurodeputetët, krerët e  “Oozitës së Bashkuar” u shfaqën të pashqetësuar. Kryetarja e LSI-së, Monika Kryemadhi, deklaroi prerazi se opozita nuk do të bëjë asnjë hap pas dhe se rruga që po ndjek është e ajo e duhura. Me herët basha u shpreh: “Shqipëria s’ka as demokraci dhe as stabilitet, ta kuptojnë ndërkombëtarët.”

“Opozita nuk do të ketë asnjë hap pas. Shqiptarët janë mandatet tona më të pastra. Protesta e 16 shkurtit, protesta e 21 shkurit dhe protesta e djeshme tregoi edhe njëherë se opozita është në rrugën e duhur. Jam e bindur që edhe të gjithë ju gazetarët e terrenit jeni në rrugën e duhur që e paraqisni opozitën çdo moment prezent në aktivitetet e saj.

Na falni për gazin helmues të djeshëm që përdori Garda e Republikës kundër qytetarëve dhe kundër jush. Gjëra të bukura do të vinë për shqiptarët”, tha Kryemadhi.

Takimi me eurodeputetët ka ardhur një ditë pas protestës, gjithashtu mendohet se është diskutar gjithashtu edhe kaosi politik në vend, ku opozita para pak ditësh vendosi të djeg mandatet.