Ka shumë shtete të cilët japin para për të luftuar varfërinë në botë.

Midis tyre është edhe Zvicra, që ka vendosur të dhurojë mbi 11 miliardë franga për këtë qëllim.

Kjo duhet të ndodhë gjatë katër viteve të ardhshme, sipas Këshillit Federal.

Kjo shumë në dispozicion të vendeve të varfra është 140 milionë franga më shumë sesa në periudhën aktuale (2017-2020), thuhet në një komunikatë të lëshuar nga ky institucion.

Këto para do të përdoren ndër të tjera, për ndihma humanitare, për promovimin e paqes dhe për projektet për të frenuar ndryshimin e klimës.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Numri i vendeve me përparësi për t`u ndihmuar do të zvogëlohet nga 46 në 35. Bolivia, Haiti, Kuba, Nikaragua, Azerbajxhani dhe disa vende tjera preken nga dalja.

Këshilli Federal veçanërisht dëshiron të përdorë në mënyrë të orientuar paratë për të ulur varfërinë globale. Zhvillimi i qëndrueshëm është “i domosdoshëm për një rend ndërkombëtar të qëndrueshëm dhe kështu edhe për interesin e Zvicrës” thuhet në komunikatën e Qeverisë Federale.