Sot Prokuroria e Tiranës ka vendosur të përfundojë hetimet për ngjarjen që tronditi ish-bllokun më 4 tetor të 2018.

Si pasojë janë marrë të pandehur Ervis Martinaj, Marviol Bilo dhe Ervin Mata.

Ndaj Marviol Bilos, i cili është dhe i afërmi i këngëtares Elvana Gjata rëndon akuza e “Vrasjes në rrethana cilësuese ndaj një ose më shumë personave” në dëm të Fabiol Gaxhës dhe akuza ‘Vrasje në rrethana cilësuese ndaj një ose më shumë personave mbetur në tentative’  është ngritur ndaj biznesmenit Ervis Martinajt dhe mikut të tij Elion Hato.

Si ndodhi ngjarja?

Si fillim ndodhi një zënkë mes komandos Merviol Bilo dhe Eljon Hatos, në një lokal në

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

zonën e Ish-Bllokut në Tiranë.

Ky sherr zgjati për disa minuta madje u përdorën dhe grushtat.

Ndërkohë pak më tutje u zunë Ervis Martinaj dhe Ervin Mata, i dashuri i këngëtares Elvana Gjata.

Për një moment viktima Fabjol Gaxha ka nxjerrë armën dhe ka qëlluar duke bërë që komando Mervjol Bilo t’i përgjigjet po ashtu me armë duke qëlluar fillimisht Eljon Haton dhe më pas mbi personat e tjerë, ku Gaxha mbeti i vetmi i vdekur.

Pas përplasjes me armë Mervjol Bilo dhe Ervin Mata ishin të kërkuar nga drejtësia.

Merviol Bilo është ende në kërkim nga policia ndërkohë që Ervin Mata u dorëzua.

Asokohe u tha se shkak për këtë sherr u bë Elvana Gjata, e cila ishte njëkohësisht dhe partnerja e Ervin Matës.