Kryeministri Edi Rama në një intervistë për televizionin shtetëror Italian, Rai News foli për situatën politike në vend, ku parlamenti është pa opozitë, pas deputetët e opozitës kanë dhënë dorëheqjen nga mandati.
Rama deklaron se protesta e opozitës nuk është një protestë e popullit, por e një establishmenti.
Sipas tij, opozita proteston dëshpërimisht pasi nuk mund të fitojnë në zgjedhjet e ardhshme që janë vetëm pas pak muajsh.
Po ashtu, një arsye tjetër është reforma në drejtësi, që përmes saj po largohen të gjithë ata gjyqtarë që kanë garantuar paprekshmërinë për të gjithë ata që kanë imunitet.
Kryeministri Rama,ripërsëriti edhe një herë se nuk ka ndërmend të tërhiqet përballë kësaj situate dhe protestave të opozitës. Sipas tij, dora për dialog mbetet e shtrirë, por mazhoranca duhet të qeverisë.
I pyetur a e ndikojnë protestat imazhin e Shqipërisë dhe rrugën e saj integruese? Rama u përgjigj po. “Ishin 3 orë protestë, që prishën imazhin e vendit, i cili siç kreu i qeverisë thekson, është në një periudhë të rritjes ekonomike.”
