Dëbora mbulon vendin, ARRSH: Ja zonat, ku do të përdoren zinxhirë

Shqipëria është zbardhur nga dëbora. Gjatë natës ka pasur reshje bore kryesisht në juglindje dhe në veri të vendit.

Autoriteti Rrugor Shqiptar rekomandon përdorimin e zinxhirëve në akset kryesore të këtyre zonave. Sakaq, ka njoftuar se kompanitë e mirëmbajtjes dhe borëpastrueset janë në punë për të mbajtur të qarkullueshme të gjitha akset në zonat ku ka patur reshje bore.

Gjithashtu është bërë shpërndarja e kripës. ARRSH rekomandon përdorimin e zinxhirëve në rrugët Korçë-Ersekë, Qafë Bigëll-Dogana Goricë, rruga e Dardhës dhe e Voskopojës.

“Drejtuesit e mjeteve te tregohen të kujdesshëm, të jenë të pajisur me goma dimërore dhe të përdorin zinxhirë në rrugët që kemi lajmëruar, të respektojnë sinjalistikën rrugore dhe udhëzimet e Policisë Rrugore”, rekomandon ARRSH.