“Nuk ka fjetur 3 ditë” aktori tregon sikletin më të madh të Ramës për filmin e Ermal Mamaqit

Mesa duket pjesëmarrja e kryeministrit Edi Rama në filmin “I love Tropoja” të Ermal Mamaqit nuk ka qenë dhe aq e thjeshtë sa duket.

Ndërkohë që publiku në fund pa vetëm rezultatin që dha roli i tij, me siguri rrugëtimi ishte i vështirë për Ramën.

Këtë detaj e ka zbuluar aktori Bruno Shllaku, i cili gjithashtu ka rolin e tij në produksion.

Duke habitur dhe publikun, Shllaku ka rrëfyer atë që i ka thënë Rama për rolin në “I love Tropoja”.

“Është një figurë që do të kishte dashur gjithsecili prej aktorëve profesionistë ta kishte patur atë rol. Më bëri përshtypje se më tha: Bruno kam ndenjur 2- 3 netë pa gjumë, pse i hyra kësaj pune se më kanë përmbytur emocionet si do të jem unë, përballë aktorëve të mëdhenj shqiptarë“.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Shllaku gjithashtu nuk harron të përmende dhe këshillën që i dha Ramës për rolin.

“Ajo potenca jote që e ke edhe në ditët e punës tënde, ajo potencë, se vërtet duhet një potencë aktoriale. Duhet një potencë aktoriale sepse shuan sherrin midis tropojanëve dhe tiranasve, edhe Edi Rama e shuajti në mënyrën më perfekte të mundshme”, tha ai per programin “Jo Vetëm Modë”.