LIGJET E BIZNESIT
Operacioni “Forca e ligjit” ose siç është quajtur ndryshe anti-KÇK ka bërë dhe goditjen e parë në terrën, duke sekuestruar kështu kompleksin “Golden” në Shijak, në pronësi të Altin Hajrit.
Hajri është në kërkim për pengmarrjen dhe vrasjen e Jan Prengës më 17 janar në zonën e Kamzës.
Përvec kompleksit “Golden”, në të cilin dyshohet se u dhunua dhe u mbajt pengu, dhe ku prej andej doli trupi i pajetë, familjes Hajri i është sekuestruar dhe 1 pikë karburanti si dhe 3 shtëpi të tjera.
Sekuestrimi i pasurisë në këtë rast parashikohet në nenin 19 të ligjit Anti-KÇK që vjen drejtpërdrejt nga Policia e Shtetit pasi konsiderohet si rast emergjence.
Aksioni i sotëm është goditja e parë ndaj pasurive të grupeve të dyshuara kriminale që vinë me urdhër të drejtorit të Përgjithshëm të Policisë së Shtetit Ardi Veliu.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Brenda 24 orësh dosja e policisë më tej do të kalojë në filtrin e SPAK. Sipas ligjit, prokuroria brenda 15 ditësh bën vlerësimet dhe e dërgon dosjen në gjykatë për masën e sekuestros nëse verifikimet e policisë qëndrojnë, dhe pasuria është vënë nga burime të paligjshme dhe të pajustifikuara. Më tej po brenda 15 ditësh nga kërkesa e SPAK, Gjykata Kundër Korrupsionit dhe Krimit të organizuar, në Dhomë Këshillimi shprehet me vendim, i cili është i ekzekutueshëm menjëherë.
