Opozita e bashkuar është më e vendour se kurrë për të rëzuar qeverinë Rama. Ata nuk po bënin bllof për djegien e mandateve, siç parashikoi Kryeministri, duke e lënë qeverinë të papërgatitur.
Kujtojmë se kreu i demokratëve, Lulzim Basha ka paralajmëruar sërish protestë të enjten, në orën 10:00, pra në orarin zyrtar të nisjes së seancës plenare, para Parlamentit.
Por me sa deket edhe mazhoranca ka bërë planet e saj për të enjten. Nëse gjithmonë në faqen e Kuvendit online shfaqet rendi i ditës së seancës së radhës, këtë herë është publikuar rendi i ditës, por jo ora e seancës plenare.
Basha e ka thirrur protestën në orën 10:00 të ditës së nesërme, por Parlamenti ende nuk e ka një orar se kur do të mbahet seanca.
Ndërkohë plani i opozitës për të enjten është ky:
Deputetët e opozitës, të enjten parlamentare, do rrethojnë Parlamentin ku do jenë të pranishëm deputetët e mazhorancës. Ata do vazhdojnë t’i mbajnë ‘peng’ aty brenda, derisa mazhoranca të tërhiqet dhe të pranojë kërkesat e tyre për qeveri tranzitore dhe zgjedhje të përgjithshme përnjëherë me zgjedhjet lokale.
