Së fundmi është shtuar frika nga koronavirusi në Shqipëri, pasi një grua shqiptare e ardhur nga Kina është shtruar në pavionin e infektivit në QSUT.

Mësohet se ajo ka ardhur 10 ditë më parë, ndërkohë mjekët kanë bërë me dije se nuk ka koronavirus, por një grip të thjeshtë.

Sipas bluzave të bardha gruaja shumë shpejt do të lerë spitalin, pasi u identifikua që në Rinas me temperaturë të lartë.

Aktualisht ajo po mbahet nën vëzhgim dhe e izoluar në një dhomë.

Deri më tani ka shkuar në 132 numri i viktimave në Kinë, dhe të prekurit janë 1500.