Hyri në banesë për të vjedhur, policia e kap në flagrancë 27-vjeçarin te “Siri Kodra”

Policia e Tiranës ka vënë në pranga një 27-vjeçar pasi po tentonte të grabiste banesën e një 63-vjeçari në rrugën “Siri Kodra”, në Tiranë. Mësohet se 27-vjeçari me inicialet E.M., është futur në banesën e 63-vjeçarit për të vjedhur dhe është pikasur nga pronari i banesës.

Në përpjekje për t’u larguar, 27-vjeçari ka goditur 63-vjeçarin duk i shkaktuar dëmtime të lehta. Gjithsesi, ai nuk ka mundur t’u shpëtojë forcave të repartit ‘Shqiponja”, të cilat e arrestuan sapo kaloi banesën.

Mejdani rezulton të ketë qenë i dënuar më parë për veprën penale “Vjedhja me dhunë” në Itali dhe ”Vjedhja, kryer në bashkëpunim, mbetur në tentativë”.

Ai do të akuzohet për veprat penale “Vjedhja, e mbetur në tentativë” dhe “Plagosje e lehtë me dashje”, ndërkohë që policia vijon kërkimet për bashkëpunëtorët e tij.

Njoftimi i policisë Tiranë

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Parandalohet vjedhja e një banese, arrestohet në flagrancë një shtetas, falë telefonatës nga qytetarët dhe reagimit në kohë të Policisë. Specialistët për Hetimin e krimit në Komisariatin e Policisë Nr. 4, falë bashkëpunimit me qytetarët, kanë bërë arrestimin në flagrancë të shtetasit E. M., 27 vjeç, banues në Tiranë. Arrestimi i tij u bë, pasi në rrugën ’’Siri Kodra’’ u kap duke tentuar të vjedhë në banesën e shtetasit H. A., 63 vjeç. Ky shtetas, në përpjekje për t’u larguar, ka goditur shtetasin H. A, duke i shkaktuar dëmtime të lehta, por s’ka mundur të largohet pasi në afërsi të banesës është kapur në flagrancë nga shërbimet e Policisë. Shtetasi E. M ka qenë i dënuar më parë për veprën penale “Vjedhja me dhunë” në Itali dhe ”Vjedhja, kryer në bashkëpunim, mbetur në tentativë”. Vijon puna për identifikimin dhe kapjen e bashkëpunëtorëve të tjerë, si dhe dokumentimin e vjedhjeve të tjera të ndodhura në Qarkun e Tiranës, në të cilat mund të jetë i implikuar ky shtetas. Materialet iu referuan Prokurorisë së Rrethit Gjyqësor Tiranë, për veprën penale “Vjedhja, e mbetur në tentativë” dhe “Plagosje e lehtë me dashje”