Kërkesa e Agim Kajmakut nga arratia, ja çfarë vendosi Gjykata e Tiranës

Gjykata e Tiranës ka vendosur ditën e sotme që të rrëzojë kërkesën e ish-kryetarit të Bashkisë së Vorës Agim Kajmaku për të hequr masën e sigurisë “Arrest me burg”.

Shkak për këtë vendim është bërë mungesa e Kajmakut në sallë, i cili ndodhet në arrati që kur iu dha masa arrest me burg.

Agim Kajmaku akuzohet për falsifikim formulari dhe dokumentash dhe për ushtrim kompetencash përtej mandatit të tij.

Akuzat i janë bërë me dije avokatit të tij.

Kajmaku u shpall në kërkim nga policia, pasi u provua se ai kishte falsifikuar dokumentet e dekriminalizimit, duke fshehur dënimin e tij në Janinë.

Prokuroria ka kërkuar të lihet në fuqi masa “arrest me burg’’ për Kajmakun, ndërsa autoritetet e drejtësisë i caktuan masën “arrest me burg’’ , pasi KQZ-ja i hoqi mandatin e kryebashkiakut në 1 nëntor.