Detaje të reja kanë dalë nga aksioni që zhvilluan forcat RENEA mëngjesin e sotëm në Shijak, ku u ‘blindua’ kompleksi Golden, në pronësi të dy vëllezërve Altin dhe Emiljano Hajri.

Mësohet se pas operacionit të befasishëm janë ndaluar 2 persona, identitetet  e të cilëve ende nuk dihen, që dyshohen si të përfshirë në pengmarrjen e Jak Prengës, në zonën e Kamzës, disa ditë më parë.

Gjithashtu sipas burimeve RENEA ka gjetur dhe një armë zjarri, që mendohet se iu përket personave të dyshuar.

Ka dyshime të forta se në këtë zonë është i fshehur 49-vjeçari Prenga i marrë peng në Kamzë.

Burime për Report Tv, bëjnë me dije se rrëmbimi i tij lidhet me të kaluarën e të vëllait, pasi dyshohet si i përfshirë në trafikun e drogës.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Mësohet se i vëllai i Jak Prengës nuk ka dorëzuar një sasi prej rreth 16 kg kokainë, gjë që ka sjellë dhe vijimin e konfliktit.