Vijojnë të dalin detaje të reja në lidhje me shpërthimin e fuqishëm që tronditi Durrësin mbrëmjen e djeshme.
Një sasi tritoli është hedhur në oborrin e banesës së një efektive policie,ku dhe makina e saj ndodhej e parkuar shumë afër.
Mësohet se policja është Ornela Buraku, e cila ushtron detyrën prej 17 vitesh.
Ajo ka deklaruar në polici se nuk ka asnjë konflikt, as familjar e as me ndonjë person tjetër.
Sipas informacioneve pista ku po hetohet është për shkak të detyrës.
NJOFTIMI ZYRTAR I POLICISE
Më datë 25.01.2020, rreth orës 22:35, në lagjen nr 17/1, Durrës, nga muri i jashtëm rrethues i oborrit dyshohet se është hedhur nje sasi e dyshuar lënde plasese ne afërsi të makinës tip “Audi”, e parkuar në oborr dhe në pronësi të shtetases O.B., punonjëse policie.
Si pasojë ka vetëm dëme të vogla materiale.
Grupi hetimor ndodhet në vendngjarje dhe po punon për zbardhjen e rrethanave të ngjarjes, identifikimin dhe kapjen e autorëve.
