Raportonte “live”/ Gazetarja preket në Turqi, s’i mban dot lotët

Mbrëmjen e djeshme, Turqia u godit nga një tërmet shkatërrues, ku deri më tani u shënuan 22 viktima si dhe qindra të plagosur.

Kjo ngjarje e rëndë për shtetin turk, preku të gjithë njerëzit në mbarë rajonin. Ndërkohë shtetet fqinje kanë shprehur solidaritet si dhe shprehën ngushëllim për familjet e viktimave dhe të të plagosurve.

Teksa po raportonte “live”, në një prej godinave të shembura nga tërmeti, gazetarja e CNN turk, Fulya Oztürk nuk i ka mbajtur dot lotët.

Gazetarja në fjalë është prekur, teksa forcat e kërkim-shpëtimit tentonin të nxirrnin personin e 40 të gjallë nga rrënojat në Elazig, që ishte dhe epiqendra e tërmetit tragjik.

Tërmeti i fuqishëm me magnitudë  6.8 që goditi Turqinë në provincën Elazig një ditë më parë, ka shkaktuar 21 viktima dhe 1015 persona të plagosur.  Deri më tani janë nxjerrë gjallë nga rrënojat 4 persona dhe gjithsej janë shembur 100 ndërtesa. Mediat vendase raportojnë se pas tërmetit të fortë u regjistruan edhe 78 lëkundje të tjera të vogla me magnitudë nga  2.4 deri në  5.4. Këto të fundit kanë shkaktuar shumë panik në popull.