Ngjarja ku sulmuesi Emiliano Sala, humbi jetën, ka qenë e shokuese për të githë publikun, por jo vetëm. Futbollisti argjentinas pasi firmosi me klubin uellsian, fluturoi për në Francë, por në kthim, avioni i tij humbi nga radarët dhe u gjet në brigjet e Guernseyt.
Një prej më të prekurve nga kjo ngjarje ishte dhe qeni i tij, Nala. Gjatë ceremonisë mortore të futbollistit, Nala(qeni), shfaqet në cepin e derës së shtëpisë së Sala duke pritur me padurim kthimin e tij në shtëpi. Një episod që tregon edhe njëherë se qeni është kafsha më besnike e njeriut.
Pak kohë më parë motra e të ndjerit ka postuar të tjera foto, të cilat tregojnë Nalan që është duke pritur pronarin.
Qeni besohet se është një prej arsyeve pse Sala u rikthye në Francë pasi firmosi me Cardiff, duke u përshëndetur më pas edhe me shokët e skuadrës te Nantes para se të rimerrte rrugën për në Uells.
