Taksa e vendosur nga Kosova, kundrejt mallrave Serbe ka shkaktuar shumë tension midis vendeve. Ndërkohë, Kryeministri i Republikës së Kosovës, Ramush Haradinaj, qëndron ende i palëkundur nga vendimi për taksën.
Ditën e sotme, Haradinaj ka folur nga vendlindja e tij Gllogjani për taksën 100% ndaj mallrave që vijnë nga Serbia dhe Bosnja Hecergovina. Ai shprehur i vendosur të mos e heqë taksën deri sa të jetë në postin e kryeministrit.
‘Shpresoj më dëgjuat shumë mirë. Po e shihni ku kam ardhur për ta thënë. Sa jam unë kryetar qeverie taksa nuk hiqet’, tha Haradinaj, ndërkohë që theksoi se edhe presidenti i SHBA-ve Donald Trump ka venë taksa dhe ka ngritur mure. ‘Trump ka vendos tarifa për plot vende dhe ekonomi, po ndërton mure me Meksikën. Ne do të shkojmë kësaj rruge dhe tarifa nuk hiqet deri në njohje’, u shpreh kryeministri kosovar, teksa kërkoi përkrahjen e partnerëve politikë.
‘Nëse shkojmë hapa prapa, mund ta kërkojnë sot heqjen e tarifës, pastaj Trepçën… Dialogu të ndodhë pa kushtëzime, i është thënë Mogherinit. Serbia po i nxjerr kushte Kosovës në vend se të ishte ndryshe. Në tavolinë mund të bisedohet edhe për taksën. Pres përkrahje e të gjithëve edhe të partnerëve politikë edhe pse mund të ketë mendime të ndryshme.
Nuk është mirë të provojë dikush që ta heq pasi që vendimi ka qenë i të gjithëve. Nuk është demokraci të hiqet pa votën e njërit partner – këtë rast AAK-së’, tha Haradinaj.
Haradinaj ka thënë se Kosova do të jetë e vendosur për taksën 100%, për aq kohë sa i mohohet e drejta për të vepruar si shtet i pavarur dhe Sovran, duke iu referuar kështu mosmarrëveshjeve me Serbinë dhe se taksa do të hiqet vetëm me njohjen e Kosiovës si shtet i pavarur.
