Partia Demokratike ka mbledhë sot grupin parlamentar për të diskutuar propozimin e kreut të saj, Lulzim Basha për djegien e mandateve.
Kujtojmë se një ditë më parë, Basha deklaroi se djegia e mandateve ishte një mesazh i qartë që mori nga protesta e 16 shkurtit dhe këtë propozim do ta paraqiste grupit parlamentar dhe forumeve më të larta të kësaj force politike.
Pas mbledhjes të dyjëzuar midis dy zgjidhjesh, kanë dalë emrat e deputetëve të parë të gatshëm për të lënë mandatet.
Deputeti i PD-së, Ervin Salianji ashtu sikundër kishte deklaruar edhe më parë ka shperhur qëndrimin e tij të prerë në mbledhjen e grupit të PD-së, për lënien e mandateve nga ana e deputetëve, e të mos pritet më gjatë për të zyrtarizuar vendimin.
“Po flasim qe ti leme mandatet. Une thashe duhet ti leme dhe te gjejme hapesirat ligjore qe ti leme qe tani. Flamuri, Antoni, Flor Mima, une, Strazimiri deri tani kemi thene ti leme”- tha Salianji.
Flamur Noka: Duhet djegia e mandateve, të bashkohemi me qytetarët. Nuk mund të jemi opozitë fasadë. Ky është një regjim, nuk mund të sillemi normalisht.
Agron Duka: në mënyrë absolute jam për djegien e mandateve.
Florian Mima: Jam për djegie mandatesh
Oriola Pampuri: Djegia e mandateve, akt sublim.
Gjithashtu, ish-kryeministri, Sali Berisha është pro djegies së mandateve.
