Librazhd/ E rëndë, nëna del për të blerë qumësht, në shtëpi gjen foshnjën 3-muajshe të pajetë

Një foshnje 3 muajshe ka mbërritur i pa jetë në spitalin e Librazhdit, ndërsa ende nuk dihen shkaqet. Trupi i pa jetë i foshnjës është dërguar për në spitalin e Elbasanit, ku ekspertët mjeko ligjorë po bëjnë autopsinë për zbulimin e shkaqeve që kanë bërë që ai të humbë jetën.

Nëna e foshnjës është shprehur se ishte larguar për të blerë qumësht në dyqan, dhe kur është kthyer ne banesë e ka gjetur foshnjën pa shenja jete. Ndërkohë nuk ka dhënë shpjegime nëse fëmija ka qenë nën mbikëqyrjen e personave të tjerë, kur ajo është larguar. Para disa kohësh kjo familje kishte humbur edhe një fëmijë tjetër, i cili kishte ndërruar jetë pas një aksidenti rrugor./Shqiptarja.com/