“Erdhi një djalë dhe e thirri” Del dëshmia e dy vajzave që ishin në lokal me të riun e vrarë te Astiri

Ka dalë dhe dëshmia që kanë dhënë dy vajzat të cilat shoqëronin mbrëmjen e djeshme 28-vjecarin Vilson Tafçiu Noka, i cili u ekzekutua në zonën e Astirit.

Sipas informacioneve, dy vajzat kanë treguar se Vilsoni ishte thërritur nga një djalë, dhe më pas kanë dalë të dy bashkë nga dera anësore e lokalit.

“Një djalë u fut në lokal dhe thirri Vilsonin. Dolën jashtë lokalit nga dera anësore, pasi dolën e qëlluan me armë. Komunikuan bashkë në fillim pastaj e qëlluan, dukej sikur njiheshin më parë”, janë shprehur vajzat.

Kujtojmë se mbrëmjen e djeshme, i riu Vilson Tafçiu ndodhej në një lokal në zonën e Astirit në Tiranë, të cilin e frekuentonte shpesh, së bashku me dy vajza.

Gjatë asaj kohe, një person është futur brenda ambienteve të lokalit, dhe i ka kërkuar 28-vjeçarit të dilte për pak sekonda jashtë me të, pasi do sqaronte diçka.

Të dy kanë kaluar në anë të lokalit, pranë një rrugice dhe brenda pak sekondash, ai është qëlluar me armë zjarri.