Del FOTO/ Ky është i riu që u vra mbrëmë në Tiranë, shpallet në kërkim një person

Një vrasje e tipit mafioz tronditi Tiranën mbrëmjen e djeshme.

Ngjarja e rëndë ndodhi në zonën e njohur si Astiri.

Rreth orës 20:45 u ekzekutua 28-vjeçari Vilson Tafçiu, i njohur edhe me mbiemrin Noka.

Në momentin që ai po pinte kafe ulur në një lokal së bashku me dy vajza, është thirrur të dilte jashtë nga një person.

Më pas ai u qëllua në një rrugicë, ku plumbat i morën jetën.

I riu ishte me origjinë nga Dibra dhe kishte ardhur në Tiranë për të varrosur gjyshen.

Vilson Noka që njihej edhe me emrin Tafçiu, 28 vjeç, nuk është i panjohur për policinë.

Ai ka ikur nga Shqipëria më 7 mars të vitit 2018 për në Francë.

Në 12 mars të 2018 e kanë arrestuar po në Francë për shpërndarje të lëndëve narkotike.

Pasi ka kryer 8 muaj burg, në 6 nëntor të vitit 2018 është deportuar nga Franca për në Shqipëri.

Ndërkohë policia ka arritur të bjerë në gjurmët e autorit të dyshuar të vrasjes së të riut.

Ai është një person i njohur në rrethin shoqëror të viktimës.

Për këtë arsye, policia ka sekuestruar aparatin celular të Tafçiut për të zbardhur më shumë detaje nga komunikimet e fundit që ai ka pasur.

Mësohet se autori i dyshuar që është shpallur në kërkim ka inicialet N.D. Mësohet se blutë kanë ushtruar kontroll në banesën e të dyshuarit por nuk e kanë gjetur, dhe ky fakt ka bërë që të shtohen më shumë dyshimet mbi të.

VIKTIMA VILSON TAFCIU (NOKA)