Reagimi i parë nga radhët e socialistëve për deklaratën e sotme të kreut të demokratëve, Lulzim Basha se do të propozojë djegien e mandateve ka ardhur nga Elisa Spiropali. Nëpërmjet një statusi në Twitter, ministrja e Shtetit për Marrëdhëniet me Parlamentin dhe zëdhënësja e qeverisë, Elisa Spiropali ka ironizuar se ky vendim i Bashës, krahas të keqes e ka edhe një të mirë.
“Lulzim Basha tha se do digjte qeverinë dhe paska vendosur të djegë opozitën”, shkruan Spiropali.
STATUSI I PLOTË I ELISA SPIROPALIT
Lulzim Basha tha se do digjte qeverinë dhe paska vendosur të djegë opozitën! Sinqerisht nuk do ta dëshironim kurrsesi degradimin e tyre konstant, po në këto kushte, duhet pohuar kjo e keqe e ka një të mirë: Nuk do t’i marrin më rrogat për ta ndotur Parlamentin me baltë e bojë!
