Është shkarkuar nga detyra shefi i sektorit të Qarkullimit të Dibrës Robert Aga.
Sipas informacioneve ky i fundit është vëllai i Pajtim Agës, që u arrestua gjatë një operacioni anti-drogë nga policia.
Vitin që lamë pas, Robert Aga u lakua së tepërmi sepse emri i tij doli në përgjimet për blerjen e votave në Peshkopi në votimet e 2016, të cilat u bënë publike nga media gjermane “Bild”.
Në këto materiale, Aga dëgjohet duke folur me ish-ministrin Damian Gjiknuri, deputetin Xhemal Qefalia, Ulsi Manjën dhe ish-ministrin Saimir Tahiri, ku këtij të fundit i thoshte midis të tjerash: “Jam ushtari jot”
Ndërsa vëllai i tij, Pajtim Aga njihet si biznesmen në qarkun e Dibrës, ku prej disa vitesh ka hapur një televizion kabllor, ndërsa problemet e tij me policisë janë të hershme.
Më 25 shtator 2016, Pajtim Aga u arrestua nga Policia e Lezhës pasi iu gjetën 320 gramë kokainë, 10 ditë pas telefonatës që vëllai i tij, Robert Aga kishte shkëmbyer me ish-ministrin Tahiri.
