“Do gjobiteni, do ju heqim rrogën” Rama bën paralajmërimin e fortë për punonjësit e administratës

Kryeministri Edi Rama ka bërë sot një paralajmërim të fortë për të gjithë drejtuesit e zyrave të Administratës Shtetërore.

Ai ka deklaruar se nëse nuk do të përgatisin brenda afateve ligjore dokumentet që qytetari kërkon, do të gjobiten.

Deklaratën kryeministri e bëri gjatë kohës që ndodhej për një vizitë në ambjentet e ministrisë së Infrastrukturës dhe Energjisë, ku ndër të tjera komentoi edhe shërbimet që tashmë do të ofrohen online.

“Sepse, e para është krijuar një ide e gabuar që sportelet do të mbyllen, në fakt nuk do të mbyllen sepse ata tashmë do të jenë shërbëtorë për qytetarët, se nuk do të jenë më policë trafiku. Nëse qytetari vjen për të marrë dokumentit, ai do t’i bëjë derman.

Do nxjerr një VKM sot, dhe para afateve ligjore, nëse ti i thua qytetarit ke 15 ditë kohë, ai me siguri do e marrë. Një dokument shtetëror që merret brenda administratës, konsiderohet i dhënë, dhe nuk i thua qytetarit prit, dhe do të gjobitet zyra përgjegjëse. Do të gjobitet drejtuesi i zyrës, nga rroga e tij, për shkelje të ligjit.

E bën herën e parë se bën më, se ndryshe nuk funksionon, se iu themi ne qytetarëve do të plotësojmë ne dosjen dhe të mos bëhet. Kjo praktikisht zhduk komplet radhët,”- u shpreh Rama gjatë fjalës së tij.