Shpërthen në flakë makina para Bashkisë Kamzë, digjet dhe furgoni i policisë

Një ngjarje e rëndë ka ndodhur përpara godinës së Bashkisë Kamzë.

Mësohet se pak minuta më parë ka marrë flakë një mjet tip “Smart” dhe më pas zjarri ka prekur dhe një furgon të policisë bashkiake.

Sipas informacioneve paraprake, nuk raportohet për shkaqet dhe rrethanat e kësaj ngjarjeje, ndërkohë zjarrëfikësit po punojnë për shuarjen e flakëve.

Policia është nisur drejt vendit të ngjarjes, ku do të bëhen hetimet e nevojshme për zbardhjen e rrethanave dhe shkaqeve të djegies së dy automjeteve.