Një ngjarje e rëndë ka ndodhur sot në Francë, ku dy fëmijë të mitur 3 dhe 6 vjeç me origjinë nga Kosova kanë humbur jetën pasi u mbytën në lumin Montbrison në Loire të Francës.
Sipas informacioneve fëmijët kanë qenë duke luajtur në ujërat e lumit, niveli i të cilit është ulur ndjeshëm si pasojë e reshjeve të dëndura që kanë rënë së fundmi.
Agjencia franceze e lajmeve AFP bëri me dije se nëna e tyre 35-vjecarë kishtë dalë me fëmijët për të ngrënë më parë se ti dërgonte ata pasdite për të luajtur pranë lumit.
Nëna e dëshpëruar u shpreh se në fillim kishte rënë djali në ujë, e më pas motra që ka tentuar ta shpëtojë dhe ta nxjerrë jashtë, por fatkeqësisht është rrëmbyer nga rrjedha e lumit.
Më pas ka tentuar nëna për tu future në ujë, i ka kapur por nuk i ka kthyer dot në jetë.
Më pas nëna 35 vjeçare kishte kërkuar ndihmë nga njerëzit përreth që t’i lajmërojnë shërbimet emergjente. Edhe pse arritën në vendin e ngjarjes me shpejtësi, shërbimet emergjente nuk mundën të bënin asgjë.
Mësohet se nëna e tronditur dhe e shokuar nga ngjarja është dërguar në kujdes intensiv mjekësor.
Zyra e prokurorit në Saint-Etienne ka hapur një hetim, dhe ka urdhëruar që t’u bëhet autopsia trupave të pajetë.
