Publikohet vendimi në faqen zyrtare të kryeministrisë, ku qeveria ka caktuar që data 3 janar të jetë pushim për administratën.
Kërkesa është bërë nga vetë kryeministri Edi Rama.
Data 1 dhe 2 janar janë pushim për shkak të festave, kështu që qeveria ka menduar se meqë data 3 bie e premte administrata të vijojë pushimet.
V E N D I MI:
PËR CAKTIMIN E DITËS SË PREMTE, DATË 3.1.2020, DITË PUSHIMI
Në mbështetje të neneve 95, pika 2, dhe 100, të Kushtetutës, me propozimin e Kryeministrit, Këshilli i Ministrave
V E N D O S I:
Caktimin e ditës së premte, datë 3.1.2020, ditë pushimi për punonjësit e administratës shtetërore.
Dita e punës e datës 3.1.2020 do të zëvendësohet në një nga ditët e pushimit brenda muajit janar.
Ngarkohen institucionet e administratës shtetërore për zbatimin e këtij vendimi.
Ky vendim hyn në fuqi menjëherë dhe botohet në “Fletoren zyrtare”.
K R Y E M I N I S T R I
EDI RAMA
