Kryeministri Edi Rama mbledh në selinë rozë kryesinë, ja çfarë do të diskutohet

Ashtu siç bëri me dije ditën e djeshme, kryeministri Edi Rama, mëngjesin e sotëm ka mbledhur në selinë rozë  anëtarët e kryesisë së Partisë Socialiste. Burimet bëjnë me dije se aty po diskutohet për zgjedhjet brenda partisë, të cilat janë shtyrë për shkak të gjendjes së jashtëzakonshme, pas tërmetit të 26 nëntorit.

Në fokus të diskutimeve është edhe mbajtja e Kongresit të PS-së, që pritet të zhvillohet në muajin shkurt.

Kujtojme që ditën e djeshme Rama mblodhi në Golem kabinetin qeveritar, ku u dha porositë ministrave për situatën pas tërmetit. Gjithashtu ai tha se sot do të bëjë me dije mbi shpërblimet e pensionistëve këtë fundvit.