Reshjet e dendura të shiut që ranë gjatë natës që kaluam kanë shkaktuar rënie gurësh dhe materiale në disa segmente rrugore ku janë krijuar dhe vështirësi në qarkullim.
Zonat më problematike janë: akset e qarkut të Tropojës, në zonën e Murrashit, Mjedë-Pukë-Fushë Arrëz-Kukës, Kukës -Bushtricë
ARRSH bën me dije se kontraktorët e mirëmbajtjes kanë qenë në gadishmëri gjatë gjithë natës dhe janë në terren për të pastruar akset nga rënia e gurëve në trup të rrugës.
“Reshjet kanë pushur dhe situata është përmirësuar duke bërë të mundur që qarkullimi i mjeteve në të gjitha akset të vazhdojë normalisht”, thuhet në njoftimin e ARRSH.
