Një nga trashëgimtaret e Top-Channelit, Lori Hoxha ka nxjerrë dje në mbrëmje një fotografi ku shprehej mirënjohëse ndaj stafit  të tëlevizionit të saj që kanë bërë detyrën në këto ditë të vështira.

Në fotografi ishte fotografi i Top Channelit Erblini, i cili mbante në krahë djalin e tij, gjatë kohës që ishte në punë.

“Një foto sa për mijëra fjalë. Në këto ditë të vështira për të prekurit nga tërmeti që humbën njerëzit e tyre më të dashur, shtëpitë dhe atyre që nga ankthi jetuan nëpër rrugë, Top Channel duhet të raportonte si gjithmonë çdo moment të asaj që po ndodhte, të ndihmonte me informacion, edhe pse kjo kërkon sakrificë dhe mund të madh.

Në kohën kur mësimi në shkolla u anullua, por fëmijët e stafit, si shumë fëmijë të tjerë ishin në panik nga lëkundjet, zgjidhja më e mirë ishte që ata të rrinin bashkë me prindërit, edhe nëse atyre u duhej të punonin për një qëllim më të madh. Mbase kjo nuk është idealja, por në të tilla katastrofa kupton se vetëm duke u bërë bashkë jeta vazhdon! Mirënjohëse të gjithë stafit vetëmohues të Top Channel dhe të gjithë atyre që sakrifikuan sado pak nga “normaliteti” i tyre për ti bërë më pak të vështira këto ditë…”, shkruajti Lori Hoxha përkrah fotos.

Menjëherë një nga ndjekësit i është kthyer asaj me një koment:  “Po ti si pronarja ku ishe? Apo në ndonjë qytet europian duke ngrënë”.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Por këtë rradhë ka qenë motra e Lorit, Sara ajo që nuk ia ka përtuar atij me përgjigjen.

“Në katin e 15 Albi, me dy fëmijë të vegjël. Pa merak se tërmeti nuk paralajmëron as ne ‘pronarët’, u përgjigj Sara.