Grabitje me dhunë pranë “Megatekut”, hajdutët vjedhin makinën e kompanisë security

Një ngjarje e rëndë ka ndodhur përpara pak minutash në Kashar.

Mësohet se një makinë e një kompanie “Security” është grabitur me dhunë nga persona ende të panjohur.

Ngjarja ndodhi pranë qendrës së njohur tregtare “Megatek”, ku persona të pa identifikuar rrëmbyen me forcë mjetin “Security Spartan” në kohën që brenda ndodheshin një punonjës i kompanisë së sigurisë dhe një punonjës i qendrës tregtare.

Grabitësit arritën të nxjerrin punonjësit jashtë nga mjeti dhe më pas rrëmbyen makinën dhe u larguan menjëherë nga vendngjarja.

Më pas makina u gjet e braktisur në një rrugë dytësore larg nga qendra tregtare.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Nuk dihet ende nëse grabitësit kanë arritur të marrin sende me vlerë nga mjeti.

Policia ka mbërritur në vendngjarje dhe po punon për zbardhjen e plotë të rrethanave dhe identifikimin e autorëve.