ITALI/ Të papunë, por shtëpinë me ar, policia italiane vendos në pranga katër shqiptarë

Policia italiane ka realizuar me sukses një operacion ku ranë në pranga katër shqiptarë të moshave midis 27 dhe 35 vjeç, të papunë, të gjithë të parregullt në territorin e vendit fqinj.

Ata akuzohen për disa vepra penale në fushën e vjedhjes së banesave, posedimit të armëve, dokumenteve të falsifikuara dhe posedimit të drogës.

Gjithçka filloi pasditen e së mërkurës në Fabriano. Karabinierët ndoqën një “Alfa Giulietta” me targa të vjedhura, e cila qarkullonte në mënyrë të dyshimtë në qytet. Ishin banorët ata që sinjalizuan policinë.

Makina u ndal në Assisi dhe pesë persona dolën jashtë. Tre u bllokuan nga karabinierët pas një përleshje të ashpër midis tyre, ndërsa dy të tjerët arritën të shpëtojnë. Një person i katërt u identifikua dhe u kap në një Trevi b & b. Ishte grabitja e pestë e burrit.

Në bordin e veturës karabinierët gjetën materiale të ndryshme të përdoruara për të kryer vjedhje. Njëri prej tyre një 27 vjeçar kishte një pistoletë Beretta, e vjedhur më 6 korrik në një shtëpi në Ancona.

Gjitjashtu gjatë kontrolleve në banesë u gjet një sasi në kg bizhuterish ari.