Historiani dhe politikani i njohur grek, Manolis Glezos, 97-vjeç, është në gjendje të rëndë shëndetësore.
Sipas mediave të huaja, ai është shtruar në spital tyre ditë më parë si pasojë e problemeve me frymëmarrjen, por sot gjendja e tij u përkeqësua dhe u transferua në kujdes intensiv.
Glezos u bë i njohur në Shqipëri pas deklaratës së fortë në parlamentin grek, ku tha se të paktën 13 deputetë kishin prejardhje shqiptare.
“Ne jemi fqinj, gruan mund ta largosh nga shtëpia, edhe djalin mund ta largosh, por fqinjin jo”, tha ai në fjalën e tij para 5 viteve.
