LIGJET E BIZNESIT
Sot është festuar 70-vjetori i marrëdhënieve mes Shqipërisë dhe Kinës. Në ceremoninë e mbajtur ka qenë i ftuar edhe kryeministri Rama.
Në fjalën e tij, Rama foli për marrëdhënien e ngushtë që dy vendet kanë pasur në kohën e komunizmit.
Teksa mbante fjalën e tij, Rama ka treguar se si ata ende mbanin mend këngë të njohura shqiptare në kohën e diktaturës duke përfshirë edhe kryebashkiakun e Pekinit.
“Në takimin që pata në darkë me kryetarin e bashkisë së Pekinit i thashë “më ka ndodhur kjo gjë”. Ai më pa dhe filloi të këndonte ‘Malet me blerim mbuluar’,”-tha ndër të tjera Rama.
“Mes kulturave tona ka pasur një marrëdhënie dashurie, por sot ka një boshllëk, që me vënien në funksion të elementëve të dy realiteteve të reja do të mund të sjellë më tepër. Mua më ka bërë përshtypje kur isha në Kinë, pasi doja të qepja një xhaketë mao me përmasat e mia, por nuk kishte në dyqan dhe më çuan në rrobaqepësi, direkt atje që të më bënin vizatimin dhe aty ishin rreth 60 rrobaqepëse dhe pasi e morën vesh kush isha filluan të këndonin këngën ‘Ara, fabrika dhe kantiere’. Dhe në takimin që pata në darkë me kryetarin e bashkisë së Pekinit i thashë “më ka ndodhur kjo gjë”. Ai më pa dhe filloi të këndonte ‘Malet me blerim mbuluar’. Atëherë ishte një kohë kur dashuria sillte të ardhurat, ndërsa tani të ardhurat duhet të sjellin dashurinë dhe në këtë pikë ne jemi në disanavtazh po do bëjmë tonën.
