Të tjera detaje vijojnë të dalin nga shpërthimi i fuqishëm me tritol i një makine tip “Benz CLS” që tronditi Tiranën mëngjesin e sotëm.
Ngjarja ndodhi në rrugën “Ramazan Bogdani” pranë zonës së Frigoriferit dhe mësohet se objektiv i atentatit ishte pronari i mjetit, shtetasi Artion Bylyku.
Makina ka shpërthyer në momentin që Bylyku ka hapur derën dhe ka tentuar të futet brenda.
Për fat të mirë pronari nuk ka pësuar lëndime.
Shpërthimi ka shkaktuar mjaft panik te qytetarët për shkak të zhurmës së madhe.
Dyshohet se vendosja e tritolit ka qenë një paralajmërim për Artion Bylykun.
Policia ka mbërritur në vendngjarje dhe po heton për zbardhjen e plotë të rrethanave.
