Një ngjarje e rëndë ka tronditur Tiranën mëngjesin e sotëm.
Mësohet se një automjet tip Benz CLS i ndodhur në rrugën “Ramazan Bogdani” pranë zonës së Frigoriferit, ka shpërthyer në flakë.
Makina është në pronësi të shtetasit Artion Bylyku, edhe shpërthimi ka ndodhur në momentin që ai ka tentuar të futet brenda.
Sipas policisë shpërthimi mendohet të jetë shkaktuar nga një lëndë plasëse që i është vënë automjetit në pjesën e përparme.
Shpërthimi ka shkaktuar një panik të madh te banorët përreth pasi zhurma ka qenë tepër e madhe.
Ende nuk dihen motivet e kësaj ngjarjeje por për fat të mirë pronari ka shpëtuar pa u lënduar.
NJOFTIMI ZYRTAR I POLICISE
Rreth orës 07:45 në rrugën “Ramazan Bogdani” në automjetin në pronësi të shtetasit A. B dyshohet të ketë shpërthyer një sasi e dyshuar lëndë plasëse.
Si pasojë e shpërthimit nuk ka dëme në njerëz, por vetëm disa dëme materiale.
Grupi hetimor ndodhet në vendngjarje, ku po vijon punën për sqarimin e rrethanave të ngjarjes.
