Negociatat/ Presidentja e KE shuan shpresat: Nuk ka asnjë sinjal pozitiv për zgjerimin e BE

Teksa na ndajnë vetëm pak orë nga vendimi i Këshillit Europian për çeljen e negociatave të Shqipërisë, sinjale negative vijnë nga kryetarja e sapo zgjedhur e Komisionit Europian, Ursula von der Layen.

Pas mbledhjes së Këshillit Europian, ku liderët e BE-së diskutuan mbi tre temat kryesore, Brexit, negociatat dhe Turqia, Ursula von der Layen, theksoi se nuk ka asnjë sinjal pozitiv  për procesin e zgjerimit të Unionit Europian.

Ajo u shpreh:

“Fatkeqësisht, nuk ka shenja pozitive për një vendim për fillimin e negociatave të pranimit në BE për Shqipërinë dhe Maqedoninë Veriore. Më vjen shumë keq sepse besoj me vendosmëri se të dy vendet kanë bërë përpjekje të mëdha për të ecur më afër standardeve evropiane dhe meritojnë një sinjal pozitiv.”

Ky takim u zhvillua pasi në mbledhjen mes ministrave të Jashtëm të BE-së, nuk u arrit asnjë marrëveshje për çeljen e negociatave me Shqipërinë dhe Maqedoninë e Veriut.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern